Nytt regelverk skal gje reinare vassdrag
Innhold
Jæren vatnområde omfattar kommunane Hå, Time, Klepp, Gjesdal, Sola, Sandnes, Stavanger og Randaberg. Politikarane i Jæren vatnområde vedtok i desember 2016 å oppmode kommunane i vatnområdet om å stramme inn på spreievindauget for husdyrgjødsel. Høyring: Forslaget til ny lokal forskrift er sendt ut på felles høyring i alle kommunane. Les den politiske saken her. Høyringa blir administrert av Jæren vatnområde. Eventuelle merknadar og kommentarar kan sendast til Jæren vatnområde via e-post: postmottak@klepp.kommune.no, eller som brev til Klepp kommune, postboks 25, 4358 Kleppe innan 08.09.2017. |
Forureininga frå landbruket er den viktigaste miljøutfordringa for kommunane på Jæren. Ein risikerer at omlag 70 prosent av vannforekomstane i Jæren vatnområde ikkje når dei vedtatte miljømåla, på grunn av gjødsla landbruksareal.
Utfordringane med vasskvaliteten i Jærvassdraga, er bakgrunnen for at kommunane på Jæren no foreslår innstrammingar i regelverket.
I dag kan bøndene spreie husdyrgjødsla frå 15. februar til 1. november. I tillegg er det krav om nedfelling av gjødsla frå 1. september til 1. november.
Blir forslaget om lokal forskrift vedteke, må all husdyrgjødsel på Jæren vere spreidd før 1. september.
- Den nye forskrifta vil gje ein meir korekt bruk av gjødsla. Ein større del av den vil bli tatt opp av plantane, i staden for å hamne i vassdrag. Forslaget er difor eit viktig steg i arbeidet for å få reinare vassdrag, seier Anne Grethe Bø Cazón, fagleiar landbruk i Randaberg kommune.
Fant du det du lette etter?
Hva forsøkte du å finne?