Ny personal- og organisasjonssjef

Kristin Bø Haugeland er tilsett som ny personal- og organisasjonssjef i Randaberg kommune. Ho kjem frå stillinga som kommunalsjef personal i Eigersund kommune.

Innhold

    Erfaring:
    • 2004-2017: Eigersund kommune, kommunalsjef personal
    • 2016: Eigersund kommune, rådmann - konstituert
    • 2003-2004: Rogaland fylkeskommune, organisasjonssjef - konstituert
    • 2000-2003: Rogaland fylkeskommune, forhandlingsleiar
    • 1998-2000: Rogaland fylkeskommune, prosjektleiar
    • 1994-1998: Fylkesbarnevernet i Rogaland, økonomi/ personalleiar
    • 1991-1994: Sentralsjukehuset i Rogaland, økonomikonsulent

    Utdanning:

    • 1987-1990: Høgskulen i Stavanger, bachelor i økonomi/adm./informatikk
    • 1990-1991: Høgskulen i Stavanger, påbygningsstudie i entreprenørskap

    Kristin Bø Haugeland har vore tilsette i Eigersund kommune i snart 13 år. Før det har ho blant anna vore konstituert rådmann i Eigersund kommune og tilsett i ulike stillingar i Rogaland fylkeskommune. Sjå CV i høgre ramme.

    Kristin Bø Haugeland overtar stillinga frå Tone Dahl, som går av med AFP (avtalefesta pensjon) 1. april i år.

    - I går var det ein litt trist dag, då eg fortalde kollegane mine i Eigersund kommune at eg skulle slutte for å ta over i ny jobb i Randaberg kommune, men no gler eg meg berre. Eg har høyrt mykje positivt om Randaberg kommune som arbeidsgjevar, seier Kristin Bø Haugeland.

    I utgangspunktet har ho tre månader oppseiingstid frå si noverande stilling. Kristin Bø Haugeland vil difor starte i Randaberg kommune seinast i månadsskiftet april-mai.

    - Sjølv om arbeidsoppgåvene i min nye kommune er mykje likt det eg arbeider med i dag, ser eg fram til å ta fatt i dei utfordringane som måtte vere i Randaberg kommune. Eg er viss på at kjem til å trivast godt i Randaberg, seier Kristin Bø Haugeland.

    Fant du det du lette etter?

    Takk for din tilbakemelding

    Hva forsøkte du å finne?