Lærte om datatryggleik
Innhold
- Bakgrunnen for invitasjonen var å gjere alle meir medvitne på kva vi omgir oss med og korleis ein skal te seg i høve dette, seier IKT-sjef Anne Hellvik Kvadsheim.
IT-ekspert Børre Holmberg frå Evry. |
Anne Hellvik Kvadsheim, IKT-sjef i Randaberg kommune. |
Dårlege vaner
- 88 prosent av datainnbrota blir utløyst av slendrian, særleg etter uvøren omgang med berbare pc-ar og mobile lagringseiningar, sa Børre Holmberg. Han la også til at - innleigde konsulentar og partnarar er innblanda i 44 prosent av slike innbrot.
Med andre ord er det få ein kan stole på.
- Vi stoler på at IT ordner opp og har kontroll , men slik fungerer det ikkje, sa han.
Ansvaret ligg hjå brukaren
- I første omgang må vi auke vår eiga bevisstgjering og flytte ansvaret over på brukaren. Dei fleste bedriftene, inklusiv kommunene, treng å lære betre tryggleik, men tryggleik er ikkje noko du trenar ein gong. Det må trenast jamt og trutt, fordi truslane blir meir og meir sofistikerte og utspekulerte, sa Holmberg.
- Vi blir stadig utsatt for ondsinna angrep. Randaberg kommune vart sjølv angripen før jul i fjor. Det svakaste leddet er ofte brukarane sjølv, som i god tru klikkar på ein e-post og dermed er skaden gjort, seier IKT-sjef Anne Hellvik Kvadsheim.
- Med samlinga mandag ynskte vi å gje eit bilete av korleis trusselbiletet ser ut, kva dei tilsette bør vere klar over og korleis ein kan handtere det.
Fant du det du lette etter?
Hva forsøkte du å finne?