Skape hjelper gründere
Innhold
|
Skape sitt introduksjonskurs gir ei kort innføring (3 timar) i oppstart av eiga bedrift. Hovudtema i kurset er forretningsplan, val av selskapsform, registrering av firma og personleg motivasjon. Etablererkurset (42 timar) gir auka kunnskap og innsikt i det å starte firma. Hovudtema i kurset er forretningsidé, situasjonsanalyse, val av selskapsform, økonomi og lønnsemd, markedskommunikasjon og handlingsplanar. |
Skape er partnarskap mellom statlege styresmakter (Innovasjon Norge, Fylkesmannen i Rogaland og NAV), kommunane i fylket og Rogaland Fylkeskommune.
Nytilsatt dagleg leiar, Suzanne de Kok Selstad, vitja tidlegare i veka Randaberg kommune - der ho møtte ordføraren, rådmannen og leiaren for Randaberg Landsbyforening til samtale.
- Mange har ein draum
- Det er mange som sit med ein god idé og draum om å skape si eiga bedrift. Trass i dette kan det vere vanskeleg å få realisert draumen, fordi ein ikkje veit kven ein bør snakke med, eller at ein trur det vil vere nesten umogeleg å skape sin eigen arbeidsplass, seier Suzanne de Kok Selstad.
Det er her Skape kjem inn: dei samlar og systematiserer informasjonen, slik at det blir lettare for gründeren å finne fram.
- Dersom du går med en liten ìde om å skape di eiga bedrift, då kan du ta kontakt med oss i Skape. Vi tilbyr ulike kurs, som gjev informasjon om det viktigaste du treng å vite for å starte ditt eige føretak, seier de Kok Selstad.
Ho legg til at slik som markedet no er blitt, må fleire tenke nytt.
- Det er veldig spanande og gjevande å få lov til å stå på sidelina og sjå at det blir etablert fleire selskap i Rogaland, eller at vi kan bistå dei som kan tenke seg å stare sitt eige selskap.
- Skape kan hjelpe den enkelte til å bli sin eigen sjef, der ein avgjer alt sjølv - og so kan det godt hende at dette går veldig bra til slutt, seier Skape-sjefen, Suzanne de Kok Selstad.
Fant du det du lette etter?
Hva forsøkte du å finne?