Første spadetaka for ny skule og kulturscene

Omkransa av 5-600 elevar frå Harestad skule - frå 1. til 7. trinnet - vart ministeren og ordføraren hylla som popstjerner under seremonien for ny skule og kulturscene.

Med kvar sin gullspade tok kommunal- og moderniseringsministeren og ordføraren onsdag dei første spadetaka. Mandag i neste veke startar entreprenøren graving på tomta. Etter planen skal første byggesteget til ny skule og kulturscene stå ferdig i 2017.

- Ein merkedag
- Dette er ein merkedag for oss, og noko vi har sett fram til lenge, seier rektor Petter Hagen. - Ikkje minst unnar eg alle dyktige tilsette at vi om litt får kome i splitter nye og moderne lokaler.

Harestad skule er allereie i dag ein av Rogaland sine største grunnskuler med sine 702 elevar. Skulen er ein kombinert barne- og ungdomsskule. Den nye skulen, inklusiv kultuscenen, skal byggast i to byggetrinn og vil koste omlag 250 millionar kroner. Sjå større illustrasjon av den nye skulen og kulturscena her.