Fleire ut - oftare!

"Fleire ut - oftare!", er visjonen til Friluftslivet sitt år, der målet er å gje friluftsliv aukt merksemd og få fleire av innbyggarane i landet ut på tur. Born, unge og barnefamilier er viktige målgrupper.

#nattinaturen
Natt til onsdag 14. januar vil mange friluftsorganisasjonar arrangere overnatting ute i naturen, som ein del av opningsarrangementet.

Klima- og miljøminister Tine Sundtoft (på biletet over saman med ordførar Bjørn Kahrs) har utfordra alle ordførarane i landet til å overnatte ute denne natta (#nattinaturen). So langt har 191 ordførarar tatt statsråden si utfordring om å overnatte ute, deriblant vår eigen, Bjørn Kahrs, som denne natta skal sove ute saman med speidarane ved Hålandsvatnet.

Politikarstøtte
Politikarane i kommunen støttar heilhjerta opp om Friluftslivet sitt år 2015. I desember i fjor vedtok hovedutval for nærmiljø blant anna å:
- Støtte opp om lokale arrangement og aktivitetar gjennom året.
- Vektlegge omsynet til friluftsliv i kommunen sitt planarbeid.
- Stimulere barnehagar og skular til å bruke naturen til leik og læring.
- Satse på stien som aktivitetsanlegg.
- Bruke friluftsliv som eit positivt verkemiddel i folkehelsearbeidet.
- Arrangere "Ordføraren sin tur", ein open tur med ordføraren som turleiar.
- Stille opp til bålsamtale eller andre møte med friluftsorganisasjonane i kommunen.

Mest attraktive friluftsområde
Randaberg har allereie ei rekke arrangement som passer godt inn i profilen til Friluftslivet sitt år, blant anna Søndagstur i Landsbyen, Landsbyvandringen og rusketurar. Og i løpet av året vil vi også kåre Randaberg kommune sitt mest attraktive friluftsområde. (Vi kjem attende til dette seinare).

• LES MEIR: Friluftslivet sitt år 2015 har ei eiga nettside, som Norsk friluftsliv er ansvarleg for. I tillegg har miljødirektoratet mykje informasjon om Friluftslivet sitt år.