- Vi gler oss!
Innhold
I samarbeidet har Rennesøy med seg totalt fire sakshandsamarar, alle i 100 prosent stilling, samt ein merkantil ressurs i 60 prosent stilling - som blir auka til 100 prosent når ein fysisk flyttar over til Randaberg. Finnøy har med seg fire personar i samarbeidet; to miljøarbeidarar, i 60 prosent stilling kvar, pluss to sakshandsamarar, kvar i 100 prosent stilling.
Korleis ser dykk på samarbeidet?
- Eg gler meg veldig. Å arbeide i eit fagmiljø som du har i Rennesøy, blir litt for lite og blir litt for sårbart. Eg gler meg difor til å få eit større fagmiljø, seier Jorunn Seglem Asbjørnsen. - Det er vanskelege og kompliserte ting vi arbeider med, då kan det vere greit å ha fleire å spele på lag med.
- Sårbart
- Det er akkurat det same for meg, det blir svært sårbart når vi er få. Det er godt å ha fleire å drøfte saker med, seier Ingelill Bjerga. - Å bo og jobbe for nært dei du skal bistå og hjelpe i barnevernet, kan vere uheldig. I tillegg vil mindre arbeidsplassar vere sårbar ved til dømes sjukmeldinger, eller hvis det er noko som dukker opp utover det normale. Det er difor greit å kunne støtte seg til fleire på eit kontor.
- Ikkje minst vil rettstryggleiken bli betre ivaretatt for dei klientane det gjeld, i tillegg til vår eigen rettstryggleik, supplerer Jorunn.
Tilsette i Randaberg kommune
- Samarbeidet inneber at Randaberg kommune har overtatt ansvar for drift av barnevernet i Rennesøy og Finnøy kommune frå 1. januar 2015, opplyser Jone Skjelbred, barnevernleiar i Randaberg (biletet til høgre).
- Alle tilsette i barnevernet i dei to kommunane har fått tilbod om tilsetting i Randaberg kommune, på same vilkår som dei hadde i sine tidlegare kommunar.
- Spanande tider
Tilsette frå dei to nabokommunane vil først flytte til Randaberg 1. februar. Då skal nokre av dei sitte på kommunehuset, i Politiet sine tidlegare lokaler, medan andre får kontorplass i barnevernet sine lokaler i Torvmyrveien 4.
Først når bygginga av ein etasje nr. to i Randaberg Arena er ferdig seinare i år, vil alle barneverntilsette kunne sitte under same tak.
- Mange er sjølvsagt spente på korleis den nye kvardagen blir. Vi veit kva vi har i dag, medan vi er meir usikre på kva dagen i morgon vil bringe. Det er klart det er uvisse blant dei tilsette ved denne endringa. Men dei fleste gler seg til å kome igang i det nye fellesskapet, seier begge i kor.
Fant du det du lette etter?
Hva forsøkte du å finne?