Vasking i gamle dagar

"Så gjør vi så... - klesvask i 100 år" er ei utstilling om utvikling av vaskemaskinar på Jæren frå 1913 til 2013.

Her kan du sjå vaskemaskinar som er hundre år gamle, og fylgje utviklinga fram til den heilautomatiske - som i dag er vanleg i alle heimar. Det er vaskemaskinar laga av lokale "Petter Smartar", og det er fabrikkproduserte.

Sjå film om utstillinga her:

Program elles denne dagen:
Kl 12.30, 13.30, 14.30 og 15.30: Alle barn får lage eiga såpe i låven. Du får velje form, farge og duft. Pris 20 kroner.

Barna får prøve å bere vatn med vassele, og vaske klede med vaskebrett i balje. Vi koker såpe på gamlemåten.

Kl. 14 inviterer museumsbonden publikum til å vere med på fôring av villsauene.

Både kafé og låve er ope heile dagen. I kafeen sel vi lappar, kaffe, saft og kakao.

Det er gratis inngang. Velkomen til Vistnestunet!