Kongens heider til Bertel Viste

Omlag 50 peronar var møtt fram på Tungenes fyr for å hylle bonden frå Viste, som i meir enn 70 år har stått på torget i Stavanger sentrum. Første gong han stod på torget var i 1942, og då var Bertel knapt 10 år gammal.

- Dette var tøft, og det er så vidt eg klarer å takle dette her, sa ein rørt Bertel Viste, etter å ha mottatt medaljen og diplomet av fylkesmann Magnhild Meltveit Kleppa. - At eg skulle få så mange gledestårer, saman med so mange kjekke folk, det hadde eg ikkje drøymt om ein gong.

- Du er ein institusjon, sa Magnhild Meltveit Kleppa i sin tale til jubilanten. - Og du er ein terapeut, med all din menneskekunnskap og godvilje.

Bertel og kona Kristine vil seinare bli invitert til mottaking på Slottet for å møte Kong Harald.

Her kan du bilete frå mottakinga på Tungenes fyr (Flickr).