Kemnerkontoret til Stavanger

- Vi ser fram til å overta ansvar som skatteoppkrevar for Randaberg, og er stolt over å få oppdraget. Vi vil gjere vårt ytterste for å levere gode tenester til kommunen og innbyggarane, seier Kjartan Christiansen Møller, kemnar i Stavanger.

Kontaktinformasjon kemneren i Stavanger kommune:
Telefon: 04005
E-post: kemner1103@stavanger.kommune.no
Nettside: Gå inn her

Kemnerkontoret i Stavanger kommune har ansvar for all innfordring av skattar og arbeidsgjevaravgift frå firma og enkeltpersonar som er busett i Randaberg, eller har Randaberg som kontorkommune.

Det betyr at alle førespurnader om skatt skal rettast til kemneren i Stavanger kommune.

Kemnerkontoret i Stavanger er også skatteoppkrevar/kemner for kommunane Rennesøy, Finnøy og Kvitsøy. Det betyr at kemneren i Stavanger fører skatterekneskapen og har ansvar for all innfordring av skattar og arbeidsgiveravgift i desse kommunane.

- Samarbeidet med våre nabokommunar legg til rette for stabil og god skatteoppkreving, som igjen er viktig for å oppretthalde eller auke kommunen sine skatteinntekter. Det vil også medvirke til eit profesjonelt og ryddig næringsliv i regionen, avsluttar Møller.

Overtakinga har skjedd gjennom interkommunalt samarbeid, der dei andre kommunane gjennom ein avtale har gjeve Stavanger kommune ansvar som vertskommune.