Rett til å lese

Fleire hundretusen står utanfor bøkene sin verden i Noreg i dag.

- Målet med "Rett til å lese"-aksjonen er å fortelle om Norsk lyd- og blindeskriftbibliotek (NLB) sitt tilbod, samt å bevisstgjere kor viktig det er at bøker og leseglede er tilgjengeleg for alle, seier Tale Østrem ved Randaberg folkebibliotek.

NLB produserer og låner ut bøker, magasin, aviser og studielitteratur som lydbøker og punktskriftbøker. Lånarane kan velge blant mange tusen lydboktitlar i alle sjangrar.

- Folk som har dysleksi, er blinde, svaksynte eller har andre vanskar med å lese vanlege bøker kan låne gratis hjå NLB. Dette må dokumenterast av fagperson som lærar, lege, sjukepleiar, synspedagog, ergoterapeut, logoped eller synskontakt, seier Tale Østrem.

Biblioteket i Randaberg har "Rett til å lese"-kampanjen fram til og med 14. desember. Interesserte kan få brosjyrer på biblioteket, eller dei kan finne meir informasjon på Biblioteket for lyd og punkt (NLB) og Rett til å lese.