Kulturaktivitet på fyret

Torsdag 10. november, kl. 20 (Shahrazad - stories for life):
Torsdag 10. november kan du treffe både Geir Angell Øygarden og fleire av Stavanger sine fribyforfattarar på Tungenes fyr. Fribyforfattarane Manal Al-Sheikh, Mansur Rajih, Mansour Koushan og Otba Fathallah deltar med eigne dikt og tekstar, saman med musikar Johan Egdetveit. Fribyforfattar Noufel Bouzeboudja i Fanø, Danmark, kjem også. Les meir om Manal Al-Sheikh (biletet til høgre), ein av fribyforfattarane, her.

I samtale med Bjørn Arild Ersland presenterer Geir Angell Øygarden «Bagdad Indigo», ei dokumentarbok frå krigen i Irak.

Billettar: Kr. 50,-. Førehandssal av billettar frå servicetorget eller tl 51414100, e-post post@randaberg.kommune.no. Åpen kafè frå kl. 19.30  

Nominert til Brageprisen
Vår eigen Tungenes fyr-forfattar, Bjørn Arild Ersland, er no nominert til Brage-prisen, litteraturen sitt svar på Spellemannsprisen. - Sakprosaboka for barn om ”Gjøken” er den tredje boka han har skrive i skrivestova si på Tungenes fyr, og like mange gonger har han vore nominert til denne prisen. La oss vone at alle gode ting er tre denne gongen, og at det blir han som stikk av med prisen, seier kultursjef Ander Jaarvik. Les meir hjå Aftenbladet: http://www.aftenbladet.no/kultur/Her-er-de-Brage-nominerte-2887444.html

Fredag 11. november, kl. 19:
Karlsvogna teater presenterer "Bill. mrk: Bedre halvdel søkes", cabaret for dei eldre med Karl Sundby og Linda Pedersen. Her blir det vitsar, monologar, song og festleg dialog. - Dette er den siste forestillinga i ”Den kulturelle spaserstokken” (kulturtilbod for eldre) i år, seier fritidssjef i Randaberg kommune, Ingunn Moa.

Billettar: Kr. 50,-. Førehandssal av billettar frå servicetorget eller tl 51414100, e-post post@randaberg.kommune.no.