Mottaksbarnehage i sommar

Anne Grethe Tolo Vistnes er pedagogisk leiar i barnehagen og tar imot barn og foreldre som kjem til barnehagen.  

— Barnehagen blir  bemanna opp og ned etter behov. Ved at foreldra får vera saman med barna i ein mottaksbarnehage får dei sjå korleis ein barnehagekvardag fungerer. Det kan vera med å gje dei tryggleik når barna skal starta i ein “vanleg” barnehage etter kvart,  fortel Anne Grethe. 

— Barna kan ha med seg foreldre, slik at dei kan bygga relasjonar med andre foreldre. Nokre gonger er det seks barn her, andre dagar eit barn. Det varierer, fortel Anne Grethe medan ho leikar med eit av barna som er innom i dag.